أهالي كفر المنصورة بالمنيا يصرخون بسبب الإنقطاع الدائم للمياة

كتب : عبدالرحمن ناصر _هاجر إبراهيم

سادت حالة من الغضب الشديد والإستياء من أهالي كفر المنصورة وعزبة شاهين والمصاص الجديدة وبعض المناطق بمحافظة المنيا بسبب الإنقطاع الدائم للمياة. 

«مش عارفين نستحمي ولا نقضي حاجتنا وحياتنا أصبحت غير آدمية بسبب انقطاع المياة» بهذة الكلمات عبر أحمد عيد، المقيم في كفر المنصورة شارع يوسف المصري عن غضبه الشديد من الإنقطاع الدائم للمياة وأضاف المياه بتقطع بطريقة مستمرة، ونحن نعانى بسبب هذا، ونطلب من المسئولين ينزلوا ويشوفوا بأعينهم المعيشة التى نعيشها بسبب عدم توفر المياه التي تعد من أساسيات الحياة، والتى لا يستطيع أى إنسان الاستغناء عنها.

وقال أيمن بكر ، المقيم بكفر المنصورة شارع الحرية «بلغنا الشركة واتصلنا على رقم الشكاوي وبيردوا علينا:« هتيجي بعد عشر دقايق ومافيش مشاكل عندنا ده ضغط استعمال» ،رغم إن المياةأكتر من شهر بتقطع لفترات طويلة جدا ولما بتيجي بتكون ضعيفة».

وقالت أمل شفيق ابراهيم ،المقيمة في المصاص الجديده شارع الفتح« إن المياة بتقطع بشكل مستمر يومياً وبتيجي في الفجر وبتيجي مختلطة بمياة مجارى وعملت أكتر من شكوى ومحدش سأل ولا أهتم.

وطالب خليل عزيز خليل المقيم بـ المصاص الجديدة شارع زيني بركات المسئولين بتغيير مواسير المياة لأن العمارات الجديده اخذت خط المياة وأصبحت مش مكفيه.

وقال حسني فتحي محمد المياة بتقطع من الساعه 10 الصبح وترجع بعد الفجر وعلي هذا الوضع بقالنا فترة كبيرة ، وقمنا بتقديم شكوي ومفيش حد اهتم، وطالب المسئولين بتغير الخطوط لأنها قديمة وضعيفه .

وتحدثت أسماء عثمان ،المقيمة في عزبة المصاص ، شارع الفتح «المياة بتقطع من الصبح لحد بعد العشاء ومش عارفه اظبط أمور البيت ولا أغسل اللبس وقدمنا شكوي ومحدش سأل فينا،وناشدت المسؤولين بشركة مياة المنيا بحل المشكلة».