إبراهيم مجدي 
اللي شايف إن الدنيا جايه عليه ومطحون لكن ماسمحش لحد يشتريه أو يزايد عليه
اللي يمكن مزنوق في الفلوس لكن قادر يفكر بمنطق
ويميّز الخير من الشر
اللي مهما إختلف مع قرارات الحكومه بيفضل يحب البلد ومستني الخير منها
الراجل المصري اللي صابر علي الأيام الصعبه وبيدعي لبلدنا من قلبه
اللي عنده إحتياج مادي لكن مستعد ياكل أي خاين بسنانه
اللي إتعلم الدرس من عشر سنين وفهم أن أهم أولوليه هي إستقرار البلد وسلامة مؤسساته اللي بتحميه
واللي وعيه زاد بعد ماشاف إن الكداب ممكن يلبس ذي الملاك
تحيه لأسرنا البسيطه اللي علّمتنا يعني إيه وطن وأرض ..وشرف الدفاع عنهم
النهارده يوم للإحتفال بالوعي اللي زاد والحب اللي فاض في مكافحة وفضح الضلال
النهارده يوم نورت فيه لمبه لكل مسؤل عشان يعرف أن وراه شعب يستاهل كل خير شعب طيب وأصيل يستاهل الكفاح
تحيه ليكي يابلادي ياللي مهما إن جار عليكي الزمن هاتفضلي محميه ومُهابه ومن مؤامرات إبليس متصانة
