سمر مجاهد تكتب: لا تجزع من جرحك، وإلا فكيف للنور أن يتسلل إلى باطنك

لما بتتعرض لتجربة في سن صغير وتكون التجربة دي قاسية فترضي وتصبر كتير بعد الصبر الطويل ده عمرك ما هترضي غير باللي يرضي قلبك ويوافق عليه عقلك الاختيار اللي هيكون بمثابة الهدوء ما بعد العاصفة اللي يهدي أنين الروح ويخلي النفس هادية ومطمنة عوضا عن ايام ومواقف كتير مرت وضرت الفنانة عبلة كامل في مسلسل حليم كانت إتأخرت في الزواج إتقدم لها شخص من وجهة نظر أخوها أنه شخص مناسب لكن هي كان رأيها وإحساسها مختلف فكان ردها عليه أن كل بني ادم شايف نفسه حاجه كبيره لوحده كده حتي لو كان قليل وكل واحده ست شايفه نفسها حلوه وجميله حتي لو مكنتش،

الواحده تقف قصاد المرايا تشوف عنيها ضيقين تقول بس بيلمعوا

رموشها قصيرين تقول بس عنيا مكحله ،،،،،،،الواحده مننا بتكمل حلاوتها في خيالها

انا شايفه نفسي كبيره

كبيره وحلوه ، علي الاقل في نظر نفسي

انا من حقي افرح

الفرحه بتشد الجلد وتنعم الشعر وتخلي العنين تلمع والقوام يتلف والدنيا تبقي حلوه فصعب ان الواحدة بعد سنين صبر ترضي غير باللي يرضي قلبها ويفرح روحها ويكون الهدية والعوض الحقيقي عن كل لحظة تعب وظلم اتعرضت له مش بتقبل بالمتاح او غير المناسب وده شئ لها مش عليها لان ربنا مش ظالم وعدله ان يعوض المظلوم باللي يفرح قلبه والعلاقات خلقت للعفاف ورضي النفس لذلك فإن الشخص الذي لم تتقبله نفسك غير صالح لإعفاف بصركِ وجوارحكِ فلا تقبلي بأقل ما يرضي قلبك ويريح نفسك ويهدئ من شتات عقلك رزقكم الله من يُرضي القلب ويُسعده ويصبح بمثابة السكن والسكينة لأنفسكم