إيمان أبوالعلا 
السيرة الطيبة رزق .
كتبت د. . ايمان ابو العلا
السيرة أطول من الشغل . لما يخلص الشغل وتعدي السنين .. الناس مش هتفتكرك بال Target ولا ال planning بتاعك .. الناس هتفتكر الشخص السهل .. المرن .. الجدع .. الكريم و الأصيل .. المحترم مع كل الناس . الواضح اللي بينسب كل فضل لصاحبه .
غلطان لو افتكرت إن الشطارة إنك تحقق مكان ومنصب كويس تحافظ
عليه ، الشطارة إنك تحقق سيرة كويسة كلها حب وجدعنه وسط ذكريات الناس .. !!
الشغل بيعبر عن أحترامنا وتربيتنا وأخلاقنا .. مش بيئة عدائية كلنا بنعلي على بعض ، وبنلبّس بعض في بعض ،
رزقك في النهاية واحد ومكتوب وهيجي في ميعاده ،
سذاجة لو تخيلت إن قلة الأصل والمقالب .. والحروب بتزود أو تسرع رزقك ،
صدقني يا صديقي .. السيرة أطول من الشغل .. السيرة أطول من العمر .. !!
صباحكمً احلي من الورد والياسمين ،🌹