نيره سيد 
تحدث أحمد شوبير نجم الأهلي السابق عن آخر مستجدات أزمة الزمالك مع جايمي باتشيكو المدير الفني السابق للأبيض بشأن مستحقاته المتأخرة.
وقال شوبير في تصريحات إذاعية نشرها عبر حسابه:”جايمي باتشيكو ينتظر مسؤولو نادي الزمالك رده بخصوص جدولة مستحقاته، والزمالك بيحاول يوصل لاتفاق دلوقتي مع الراجل”.
وأضاف:”الزمالك جاله 300 ألف دولار من المباراة الودية الأخيرة لتكريم خالد حسين لاعب فريق النصر الليبي وباتشيكو له مستحقات 819 ألف دولار تقريبًا وهما هيحولوا له الـ 300 ألف دول دلوقتي لو وافق على جدولة مستحقاته”.
وتابع شوبير:”يعني الـ 300 ألف دولار دول زي سد حنك أو إثبات حسن نوايا والباقيين هيبقى مقدور عليهم، وأنا لو مكان باتشيكو هقبل، ولو الفلوس مجتش ليك يا عم أبقى ارفع قضية تاني أنت مش خسران حاجة”.
