تخطي إلى المحتوى

بوابة الغد

  • الرئيسية
  • الاقسام
    • اخبار مصر
    • اخبار الرياضة
    • اخبار الاقتصاد
    • مدارس وجامعات
    • اخبار الصحة
    • علوم وتكنولوجيا
    • اخبار المحافظات والمحليات
    • مقالات
    • اخبار الفن والثقافة
    • راديو وتليفزيون
    • اخبار الحوادث والقضايا
    • اخبار عالمية
    • اخبار عربية
    • الأزهر الشريف
    • المرأة والأسرة
    • تقارير وتحقيقات
    • حزب الغد
  • من نحن؟
  • اتصل بنا
  • الرئيسية
  • عبدالسلام بدر يكتب :في دولة ما .. ” الأزمة ” ..!! 

عبدالسلام بدر يكتب :في دولة ما .. ” الأزمة ” ..!! 

إبراهيم مجدي 15 مايو، 2026

 

 

 

استهل المذيع اللامع برنامجه بالترحيب بمشاهديه وبضيفه الكريم .

_ بارحب بحضرتك ياباشمهندس .

* أهلا وسهلا بيك وبالسادة المشاهدين

_ في البداية احب اسأل حضرتك : شايف البلد ازاي ؟

* انا مش بس اللي شايف لكن اعتقد الاغلبية شايفة وحاسة

_ ايوه حضرتك حاسس بايه وشايف ايه؟

* حاسس اننا في مأزق خطير . وشايف اننا في أزمة حقيقة . ربنا يستر من اللي جاي وال_

( أشار المذيع الي الضيف فتوقف فجأة )

_ المذيع : معلش استأذن حضرتك معايا اتصال

* الضيف : اتفضل

_ المذيع بيكلموني في الكنترول وطالبين أبلغ حضرتك واهنيك باختيارك لوزارة …. والخبر وصل الكنترول من الرئاسة حالا واحنا ع الهوا

* الله يبارك فيك . ميرسي

_ المذيع اتفضل كمل . حضرتك كنت بتقول اننا في أزمة .

* الضيف : طبعا . احنا في أزمة وعي . وازمة الوعي من أشد وأخطر الأزمات اللي ممكن تأثر علي أي دولة كبرى قوية . لان المواطن رغم كل النعم اللي بيرتع فيها لكن مش بيحمد ربنا عليها . وعامل نفسه مش شايف النعم دي . لكن شايف بس بعض السلبيات البسيطة جدا اللي موجود منها في باقي دول العالم وبشكل مهول .

_ المذيع : يعني حضرتك عايز تقول ان الازمة الحقيقية هي عدم اعتراف المواطن بالتحسن الكبير في حياته

* الضيف : طبعا .

المذيع : وعدم الاعتراف بالرفاهية ده يعتبر أزمة

* الضيف : طبعا طبعا . لان المواطن اصبح مش لاقي حاجة يطلبها تاني وكل حاجة متوفرة له ولاولاده وكمان لاحفاده وده عمل له نوع من الكسل والملل . من هنا بتيجي معاناته الحقيقية والازمة اللي انا اقصدها..

 

_ المذيع : باشكر حضرتك جدا وشرفتنا ومبروك مرة تانية لحضرتك على المنصب الجديد .

 

عرفت بعد الحلقة ان المصور وقع ووقع الكاميرا على الارض وهو فطسان من الضحك .

تصفّح المقالات

السابق جمال المتولى جمعة يكتب : الصمود الإيرانى أذهل مراكز الابحاث الغربية
التالي د . هاني المصري يكتب: العمل العام بين قدسية العطاء وخطورة التأرجح

تصنيفات

اخبار الاقتصاد اخبار الحوادث والقضايا اخبار الرياضة اخبار الصحة اخبار الفن والثقافة اخبار المحافظات والمحليات اخبار عالمية اخبار عربية اخبار مصر الأزهر الشريف المرأة والأسرة تقارير وتحقيقات حزب الغد راديو وتليفزيون علوم وتكنولوجيا مدارس وجامعات مقالات
ُElghad | DarkNews بواسطة AF themes.