أحمد طه 
بقلم د : فيروز عبد الحميد
من كام يوم meta اللى هى فيس بوك سابقا أعلنت إنها هتعمل ” Metaverse Academy” بمعنى اكاديمية ميتافيرس او حاجة كده زى اكاديمية ذكاء صناعى اغلب تخصصها تطوير تكنولوجى وبرمجة فى إطار السوشيال ميديا او الميتافيرس وقالوا انهم هيقدموا منحة تعليم مجانى لأول ١٠٠ متدرب على مستوى العالم وطبعا مجموعة من الامتيازات الأخرى
العجيب فى الأمر انهم قالوا فى ٢٠٣٠ تقريبا من المتوقع ان هيظهر وظائف جديدة لسه لحد دلوقتى ميعرفوهاش وهتكون مهمه جدا بمرور الوقت زى مهندسي البرمجة كده حاليا والداتا انلايسز وكمان إن ٨٠٪ من الوظائف الموجوده دلوقتى اغلب شغلها هيبقا متعلق بتقنيات الميتافيرس
وده يوصلنا لحقيقة إن أساتذة الجامعة بكافة تخصصاتهم والطلبة لازم يدرسوا مع بعض ويعرفوا يعنى ايه ميتافيرس؟ وتطويره بيتم ازاى؟ ويحاولوا يتواصلوا مع شركات عالمية زى جوجل وميتا ومايكروسوفت وابل إنهم يعملوا زى تعاون تعليمى أو رحلات علميه علشان نشوف الناس دى شغاله إزاى على ارض الواقع حتى لو فيديو كونفرنس علشان منكونش منعزلين وكمان يفكروا يبدأوا بدرى شويه فى شغلهم علشان نلحق ٢٠٣٠ قبل متقفل الباب وتسيبنا برا.