حدوته رحله مع صاحبه الجلاله

كتب :جمال اليمني 

ياسلام على حلاوه صاحبه الجلاله لما كانت تأخذك في دوامتها وانت لسه شباب مش حتبص ولا حتروح لأي حته تانيه وخصوصا لما تكون عندك من عند ربنا حته ابداع شويه حتعرف تتحرك صح في اي مساحه محدده ليك وياسلام على حلاوتك ياموضوعات لما كانت تزين صفحات الصحف الورقيه رغم معاناه إرسال الموضوعات الصحفيه وجمعها خاصه لو انت ساكن الصعيد الجواني تبحث عن سواق أتوبيس او حد مسافر او سائقي القطارات علشان تبعت موضوعاتك الصحفيه وتنتظر اليوم التاني او التالت بفروغ الصبر على رصيف المحطه علشان تشوف موضوعات المنشوره وتكون اول واحد يفك خيط الدوباره من ربطه الجرايد وشوف ياعم الفرحه لما تلاقي الموضوعات مكتوبه بالبنط العريض وتقول لموزع الصحف اديني ياعم دسته اوزعها على الحبايب فرحه مابعدها ولا قبلها فرحه كنا نشم ريحه الحبر على الورق وكأانه لسه طازه زي الرغيف السخن المستوى وطالع من الفرن البلدي كانت ايام محفوره في الذاكره ولاتنسي وبدأت رحلتنا مع صاحبه الجلاله من من مجلات الماستر زي مجله قوص بلدي ومجله العصافير َوالصحف اليوميه الاحرار مع فتره رئاسه الاستاذ مصطفى بكرى والاسبوعيه صحيفه الاسبوع وقبلها في صحف الحقيقه ايام الاستاذ محمد عامر وكان يهتم بموضوعاتنا ويبرزها الاستاذ عبدالله حشيش والأستاذ عزت سلامه لقسم المحافظات وغيره من الصخف الي جانب الصحافه الإقليميه جريدتي قنا والاقصر مع رائد الصحافه الاقليميه الاستاذ المرحوم ابراهيم حفني وطبعا كانت الموضوعات لها رد فعل قوي عند المسئولين وخاصه لما تكون صاحب موضوعات دسمه شوف لما تكون في بدايات وتلقى اهتمام وتقابل المحافظين ومديرو الأمن بتبقى عامل نفسك فص توم في بلد قرفانه وتمشي عل طرف صوابعك شوف لما تكتب من ه٣ سنه على حسين سالم ومتعرفهوش وكان في جريده اخبار الصعيد وكان رئيس التحرير ربنا يديله الصحه الاستاذ مصري البرديسي وحد نصحني بلاش تكتب في الموضوع ده تاني وقلي حاسب ممكن تلاقي عربيه سوده خبطتك ومحدش حيعرف عنك حاجه وموضوع زي الد قيق الفاسد بعد حصولي على مستندات تحاليل المعامل المركزيه بعدم صلاحيه القمح للاستخدام الادمي تتصور اجتمعت كل الجهات المسئوله بعد كتابه الموضوع الأول واحنا ا تعلمنا لما كان الواحد عايز يعمل حمله صحفيه يجمع ٧ موضوعات على الاقل قبل النشر الأول علشان يبقى عنده زخيره من الموضوعات لما تقفل أمامه الحنفيه وفي نفس الوقت تجيب الحمله اثرها ومش عارف ازاي سيطرت عليهم مقوله اني اتفقت قال مع واحد اسمه مستثمر كبير قاله اسمه الصفدي و عمري ما شفته ولا اعرفه وقاله انه هوه صاحب الدقيق الجديد في السوق اللي اسمه مش عارف خمس ولا سبع نجوم الكل قعد يطلب الو د بس علشان ارد على رئيس مجلس. الاداره وكان سعتها ألمر حوم ابوسحلي اخ لاحد وزراء العدل وهو المستشار المرحوم بركات ابو سحلي ابن قنا ووصل الأمر بيهم انهم قالو الحمله دي هدفها إغلاق مطاحن شركه مصر العليا لصالح مصانع الدقيق الخاص التابعه المستثمر الصفدي و موضوعات كتير بالمئات ووصل كنا نساعد في منع جرايم ضد المال العام قبل وقوعها زي لما اح البنوك يمنح حد عشرين مليون على مدار عشرين عام بخجه بناد فندق سياحي وتفضل مساحه ٣ افدنه اللي حيقام عليها المشروع مزروعه برسيم طول تلك المده لا والغريب ان أصحاب الأرض قامو بتحرير عقد بيع لاخرين واقروا ان الارض ليست عليها ديون اورهون لأي بنك رغم أنها كانت مرهونه للبنك مقابل عشرين مليون واكتشفت الموضوع بالصدفه في هيئه المساحه ال كان حترفع مساحه الافدنه بالتنسيق مع الشهر العقاري علشان توثيق عقد البيع لكن المساحه مع الشهر العقاري اكتشفت ذلك وعملته موضوع الاسبوع تضبط جريمه قبل الوقوع وغيرها حاجات كتيرالكلام ده يمكن من ه٣ سنه اواقل شويه مش متذكر التاريخ و الموضوعات الجامده كنا تعرفها ازاي حب المهنه والعلاقات والثقه في التعامل مع الآخرين و وصل الأمر الموظف ال بيكتب تقارير المخالفات نعمل معاه صداقه بحيث نحافظ عليه لو الموضوع حيسبب أذى بلاش منه لكن يسلمنا التقرير قبل العرض على رئاسته ولما يتمضي الموضوع ويخرج لجهات أخرى هنا نعمل الموضوع وكده حفظنا على المصدر ياسلام لما تكون بتحب المهنه مره في احد زيارات وزير قطاع الأعمال الذي رفض الاجابه على سؤ الي وبعد المؤتمر جه بجواري سيبك من مصطفى بكرى وتعال اعمل جرنال خاص زي سين من الناس واعملك فيه اعلانات مصانع قطاع الاعمال ياسلام عليكي وعلى قوتك ياصاحب الجلاله كانت ايام محبه العمل هوه ال خلاني اول صحفي يعمل موضوع الزئبق الأحمر في الصحافه المصريه ولا الجنيه ابو جملين كانت ايام غير محبتي لرسم الكاريكاتير وكتابه الشعر العامي ايام لاتنسى وصورتي دي مع المرحوم سيد الضوي اللي كان يحفظ ٦ مليون بيت عن السيره الهلاليه