معاك قرش

تأليف// أمجد السيد العربى

الأبطال/الشاب.   الشابه.   والد الشابه.   الثرى.   صديق الشاب

الأحداث/ فى ليله يتقابل الشاب بحبيبتوا..
(الشاب): وحشتينى جدا و نفسى ربنا يسهلها بقى عشان نتجمع فى بيت واحد.
(الشابه):ها و بعدين.
(الشاب):هو إيه إللى ها و بعدين مفيش و إنت كمان مفيش حبة مشاعر كده أنا خارج مع صحبى ده صحبى بيتمحن عليا أكتر منك.
(الشابه):هو إحنا هنفضل نقضيها حب و لفلفه كده علطول مشفتكش عملت خطوه يعنى.
(الشاب):هو أنا ساحل نفسى صبح و ليل فى الشغل و داخل جمعيات عشان خاطر مين و على العموم أنا هجى أكلموا يصبر عليا بس أقبض الجمعيه.
(الشابه):و هتيجى إمتى
(الشاب):بكره
(الشابه):تمام أنا هروح مزاجى وحش.
(الشاب):مالك حاسس إنك متغيرة.
(الشابه):مفيش حاجة مش عايزة أتكلم.
(الشاب):ليه الباقه خلصت.
(الشابه):بقولك إيه سلام.
(الشاب):الله يسلمك خلى بالك من نفسك..

و يفترقا الحبيبين و كان الشاب مزهول من تغير حبيبته المفاجئ حتى تقابل مع صديقوا و لاحظ الصديق تغير الشاب..
(الصديق):مالك يا عم شايل الهم و قرايبوا ليه فى حاجة حصلت.
(الشاب):مفيش حاجة كنت معاها و حاسس إنها متغيره من نحيتى.
(الصديق):إنت غلط فى حاجة.
(الشاب):لا والله يا بنى مش عارف فى إيه.
(الصديق):إنت متأكد إنها بتحبك.
(الشاب):دايما تقولى إنها مش هتسبنى مهما حصل.
(الصديق):بقولك إيه الحب مواقف مش كلام هو الكلام بفلوس راجع نفسك..
ينظر الشاب لصديقوا فى زهول و يبدأ فى التفكير فى كلامه
تذهب الشابه لمنزلها فتجد والدها يجلس و معه ثرى خليجى..
(الوالد):يا أهلا بالعروسه المحروسة الغاليه ههههههههههه ينظر للثرى بنتى.
ينظر الثرى للفتاه.
(الثرى):ما شا الله هلا بالمهره ينظر لوالد الشابه و يقول أبغى الجرب منك.
(الوالد):القرب منى إزاى ما إنت كنت قاعد جنبى يعنى أقعدك على حجرى مثلا.
(الثرى):ههههههههههه والله عسل بدى أتزوج بنتك والله أنا جاهز من كل شئ معى مصارى و بيت جاهز و كل إللى تبغيه بس العروس تؤمر..
(الوالد):والله إنت فاجئتنى بس مفاجأة حلوه بس رأى العروسة الأول هو إنت تترفض إيه رأيك يا بنتى.
تسكت الشابه للحظه تفكر فى الحياة المرفهه التى سيوفرها ذلك الثرى و تقول.
(الشابه):الرأى رأيك يا بابا تقولها بخجل.
(الوالد):على البركه نقرأ الفاتحه..
فى اليوم التالى يقرأ الشاب خبر خطبة حبيبتوا على الفيس بوك و يرى الصوره فيصاب بالحزن و يقول.
(الشاب):معقول حب سنين يتباع بقرشين بقت كده معاك قرش تسوى قرش ممعاكش قرش متسواش قرش بس معلش انا هفكر فى نفسى هشتغل و هنجح و أكيد هقابل الإنسانه إللى تحبنى لشخصى………

تمت بحمد الله……….