
سؤال نسأله كثير نحن كمصرين وعرب ….هل الطباخ ( الطاهى ) هو من يطبخ لنا الطعام وبالهنا والشقاء
ولا انها مهنه كباقى المهن المهمه فى ربوع الكره الارضيه ؟
وهل مهنة الطاهى تحتاج الى مهارات عقليه وبدنيا ؟
شيف مش يعني طباخ
شيف يعني رسام وفنان
شيف يعني النضافه والجمال
شيف يعني الاحساس والنفس الجميل
شيف يعني العبقري في اختراع الاكلات الجديده
شيف يعني بينفذ اهم حاجه ف الحياه ” الاكل ” اللي محدش يقدر يستغني عنه
شيف يعني الثقافه ومعرفته بكل علوم الحياه ( علشان يقدر يحافظ علي صحتك لان الشيف مش بيعمل الاكل وهو جاهل لانه لازم يعرف طبيعة الشعوب علشان يقدر يعملهم الاكل المناسب ليهم ولازم يعرف جميع الامراض وايه الاكل اللي يتناسب مع كل مرض وايه الاكل اللي ممكن يعمل حساسيه مع الشخص المصاب بمرض معين ولازم يعرف انواع البكتريا والاماكن المتواجده فيها وازاي بتنشط وايه سبب وجودها ف كل الاكلات وازاي يقدر يقاومها ويتغلب عليها حفاظا علي صحة الناس و لذلك الضيف المريض بمرض معين بيطلب مقابلة الشيف علشان يعرفه انه مريض بالمرض دا والشيف بعلمه بيقدر يطلع الاكل المناسب للضيف دا، لو الشيف معندوش المعلومه وميعرفش كان زمان الناس كلها ماتت)
شيف يعني الشخص اللي مبيحضرش المناسبات ف بيته وسط عياله لانه ف الوقت دا بيكون ف شغله لان المناسبات بالنسباله شغل
شيف يعني ظابط جيش في المطبخ ( مفيش هزار وقت الشغل.. واقف علي رجله طول النهار في درجة حراره فوق ال 40 درجه مئويه قدام البوتجاز.. يعني لازم يكون في قمة تركيزه علشان اقل غلطه بتكلف كتير، هتقولي انت لسه قايل ان شيف رسام وفنان واحساس ومعرفش ايه ودلوقت تقول ظابط وجيش وكلام كبير انت بتناقد نفسك.. هقولك انه فعلا كل الكلام دا.. لذلك الشيف من اكتر الناس الملتزمه ومن اكتر الناس النضيفه ومن اكتر الناس المبدعه ومن اكتر الناس الاقويه ومن اكتر الناس اللي بيحبوا شغلهم جدا)
شيف يعني مبيطلعش يقضي طلبات بيته وقت الشغل ولا بينام ويعطل مصالح الناس لان الشيف ملتزم جدا
ببساطه جدا كل الحاجات اللي انت عاوزها ومحتاجها هتلاقيها في الشيف
شيف يعني اكتر واحد مثمر للسياحه واكتر واحد مشرف لبلده ودا بيكون من شغله
ملحوظه (( الشيف بيلبس جاكيت ابيض نضيف))
اذا كان الدكتور والظابط بيلبسوا ابيض ف الشيف كمان بيلبس ابيض واذا كان مسئولياتهم كبيره ف الشيف مسئوليته اكبر لانه زي ما قولت هو وجهة الدوله في قطاع السياحه لو الشيف مش كويس وشغله مش كويس ومشاكله كتير مفيش سياح هتنزل البلد.. بعيدا عن المشاكل السياسيه.. وحتي ف المشاكل السياسيه الشيفات هما اصحاب المبادره لدعم الشيفات ودعم السياحه
شكرا لكل الشيفات علي مجهودهم