اسماء عبدالمنعم كتبت: أسماء عبد المنعم
قام الفنان محمد صلاح آدم بنشر بوست من خلال صفحته الشخصية على موقع التواصل الإجتماعي فيس بوك بالرد على سؤال الجمهور أنت فين يا فنان؟
وكانت الإجابة من خلال البوست”طيب بالنسبة للناس الكتير اللي بتقابلني وتقولي انت فين يافنان أحنا بنحبك وأنت موهوب قوي وصادق ليه مش بنشوفك في التليفزيون بالسنين وبيجيبوا اللوم عليا وبيحملوني ذنب اني مش بسعى ومش بكلم المخرجين والمنتجين عوجان مني .. والله العظيم انا بسعى وبكلم المخرجين والمنتجين ومساعدي الاخراج والمنتجين الفنيين والكاستينج دايريكور ولغاية من يومين بروح اعمل اوديشين اللي هو تيست كاميرا و 90 % منهم مش بيردوا أصلا على الموبايل ولا حتى واتساب .. طيب اقولكوا حاجة أقسم بالله أنا كنت حانتحر في وقت كان صعب جدا عليا نفسياً لولا وقوف بعض الاصدقاء جنبي ورجعوني للحياة تاني وأولهم الدكتور أشرف ذكي .. انا ثقتي في ربنا كبيرة ومتأكد انه الميعاد المناسب اللي هو حايختاره بس ارجوكوا متحملونيش انا كمان الذنب لاني مش مستحمل …
وكل مخرج ومنتج ومؤلف وحتى منتج فني سعيتله وكلمته علشان أشتغل معاه ومردش عليا اقسم بالله هو اللي خسران.
متابعة:”وبعض الجمهور اعتقدوا أنها شكوى منه من قلة الشغل.
ولكن صرح محمد صلاح آدم للغد، موضحاً الحقيقة بما تم نشره من خلال البوست.
قائلاً:”بالنسبة للبوست اللي أنا كتبته على صفحتي الشخصية على الفيسبوك اللي السادة الصحفيين فهموا انه شكوى من قلة الشغل .. ده مكانش المقصود منه .. أنا كنت برد على كل الناس اللي بيتهموني إني أنا المذنب والمقصر واني لا أسعى على شغلي من الأقارب والمعارف والأصدقاء وحتى الجيران ومن أتعامل معهم بشكل تقريباً يومي حبيبت بس اقولهم اني بالعكس أنا بعمل كل اللي عليا وزيادة كمان شوية.
أضاف:” لدرجة إني في وقت من الأوقات من فترة الموضوع أثر عليا وعلى نفسيتي بشكل سلبي وصلتني اني افكر افكار صعبة جداً .. ووقتها وقف جنبي مجموعة من الاصدقاء وأولهم كان دكتور أشرف ذكي وأنا مابحبش أقول الكلام ده، وبالعكس أنا طول الوقت ببين للناس إني بضحك وكويس وزي الفل، يعني باختصار متشيلونيش أنا ذنب حاجة أنا ماليش دخل بيها وهذا للتوضيح.
