إبراهيم مجدي 
هو ده السبب إننا مش بتاخد حقوقنا كشعب وبنضيعها بأيدينا
انزل وشارك واختار اللى يناسبك أيا كان هو مين لان المقاطعة بتحرم الشريف وتصب فى صالح غير الشريف وصاحب المصلحة الشخصية
انزل وشارك حتى لو هتبطل صوتك لكن اوعى تقاطع
مقاطعتك بتعطى صاحب الأموال قوة غير مباشرة
لانه بيستخدمها فى حشد الحشود عن طريق الرشاوى الانتخابية المتمثلة فى فلوس أو زيت وسكر
انزل وشارك ده حقك مواضيعوش بس الامانة بتبقى فى حسن الاختيار
ربنا اعطانا العقل عشان نفكر مش عشان تسهل الحلول حتى لو ضد مصالحنا كشعب
العيب الاكبر مش فى النواب
العيب الاكبر في أبناء القرى والدائرة
الواحد فيهم بيذهب إلى مكاتب النواب عشان يعرض مشاكل شخصية وفردية
مش مشاكل عامة للقرى
والعيب الأكبر كمان أن اللى بيحب البلد وخائف عليها وعايز مصلحتها وعارف مشاكلها للأسف بياخد جنب ويكسل يعرض المشاكل وبييأس مع أول محاولة لذلك بيسيب المشاكل وبيسيب الباب مفتوح لاصحاب المصالح الشخصية للتواصل مع النواب
خدوا بالكم النواب دول بيمثلوكوا وعشان يحلوا مشاكلكم
النواب مش عايشين معاكم فى بلادكم
ومش عارفين مشاكلكم ايه
اخرجوا واعرضوا مشاكل بلادكم على النواب ومتقعدوش وتتكاسلوا وتندبوا حظكم
