إبراهيم مجدي 
اللي كان زمان بيتقال في السر بقي دلوقتي علهوا وفي النور
إسرائيل وإيران في وش بعض والمنطقه كلها علي سفرة نار بتفور إيران شغاله علي مشروع نووي وإسرائيل شيفاه تهديد مصيري طهران بتدعم حزب الله والحوثيين.
وتل أبيب شايفه الخطر بيكبر حواليها كل يوم سنتيمتر. اخر تطورات الحرب:الدنيا بتولع بالبطئ : ضربات جويه إسرائيلية علي مواقع ايرانيه في سوريا والعراق إيران بترد عبر الميليشيات بتاعتها زى حزب الله وفصائل غزه. أمريكا بتحرك حاملات طيارات للمنطقه. إسرائيل بتهدد بضربه وقائيه شامله لو النووي الإيراني قرب يخلص كل ده ولسه الحرب الشامله ما اشتعلتش بس علي الحافه. مصر فين من دا كله: مصر واقفه في النص عاقله ورزينه بس النار حوالينا والسكوت مابقاش حكمه لوحده قناه السويس في خطر لو ضربوا مضيق هرمز وأسعار البترول بترتفع والتضخم بيلعب في السوق والاستقرار السياسي في المنطقه علي كف عفريت وده بيأثر علي السياحه ،التجاره والاستثمار يعني باختصار احنا مش بعيد احنا في قلب المشكله. الحلول الجذريه الواقعيه مش احلام يقظه : ١:مصر تاخد زمام المبادره. لا وساطه شكليه ولا حياد سلبي مصر ممكن تطلق مبادره سلام شامله بمشاركة الخليج وتركيا وتبقي الوسيط المحايد الي الكل يثق فيه والكلام ده محتاج تحرك سياسي قوى وسريع مش بيانات بس . ٢:تحالف اقتصادي عربي مستقل: لو الحرب شلت النفط احنا لازم نكون محضرين نفسنا نعمل كتله عربيه تعتمد علي الصناعه ،الزراعه والطاقه المتجددة فالاعتماد علي النفط بقي خطر مش مكسب ٣:أمن قومي عربي موحد: مش منطقي كل بلد يشتغل لوحده لازم يبقي في خطه دفاع مشترك من غير ما تبقي ضد حد بس نحمي اوطنا لما الخطر يقرب ٤:مواجهه الطائفيه بخطه ثقافيه: المنطقه بتغلي من الطائفيه (شيعه×سنه)ودا بيخلي الشباب قابل للتطرف او العنف الحل؟تعليم، اعلام واعي وقيادة حكيمه تقفل السكه قدام الفتنه. الخلاصه نكون أو لا نكون : المنطقه ماشيه علي حبل مشدود وكل ضربه بتقرب النهايه او البدايه ولو مصر خدت موقف قوى ممكن تكون كلمه الحق وسط ضجيج الصواريخ فالسكوت مش دايما بينفع وأي نار حوالينا لازم نكون محضرين لها مياه . يوم تقول الحرب بدأت يكون احنا جاهزين مش مصدومين
