بوابة الغد 
كتب دكتور / مجدي مرعي
الظاهر انه لسه مدير مديريه الشئون الصحيه بمحافظة الاسكندريه عايش في دور الفرحه بإدارة مديريه الصحه غير مكان اخر
بس للأسف مش عارف ان الوقت بيجري منه
اسكندريه محافظه كبيره وفيها مشاكل مركونه لسبب لا نعلمه
وبدات المشاكل المركونه تظهر الآن فقط وتتجمع في وقت واحد
هل هذا امتحان لقدراته
ام بيدبحوا له القطه
ولا هو مش فايق
ايه اللي حصل في حالة التحول السيرولوجي ….كانت فين الحوكمه من شهوووور وهي عندها الورق
ليه اتحركت دلوقتي بس ؟؟!!!!
الحاله من يناير ٢٠٢٥ واحنا حاليا سبتمبر ٢٠٢٥
٨ شهور كامله ما حدش أتحرك ولا دور
زياره لمستشفى خاصه واحده فيها بنك دم
طيب فين باقي بنوك الدم
وياريتها عرفت تدير ولا تحل ولا توصل
وكان فين العلاجي من شهر يناير ٢٠٢٥
سكتوا دهرا ونطقوا كفرا
يا مدير المديريه ركز في كفاءة الناس اللي بتشتغل لان الواضح ان الأرض بور او بيحاولوا يخلوها بور
فين العلاجي …..شوفتوا الحاله ايه اللي تم فيها والمخالطين وضعهم ايه
دورتي في بنوك الدم ….مريض الكلى بينقل دم مرات كتيره ….
وصلتوا لسبب محتمل علشان نحمي الباقي
يعني ايه مصر خاليه من فيروس سي ونلاقي حالة في التوقيت ده من غير ما نوصل لسبب
فين وكيلة المديريه د ( حنان انور الخبره بشغل الوقائي والمرشحه لنقابة الأطباء ….هل راجعتي الإجراءات في الميري ونسقتي معاهم
فين مديرة الوقائي د هناء عبد الرحيم والفيروسات الكبديه واين مدير العلاجي من متابعه المشفيات د هاله
يا ترى كان عندكم فكره واخدتوا إجراءاتكم ولا كنتم مستنيين مين وايه
د بدران ….صحة المواطن السكندري امانه عندك
غربل وابتدي أتحرك وازرع الأرض حواليك بخبرات قبل ما تلاقي نفسك كبش فدا
