أحمد طه 
بقلم : الاستاذة سلوى عبد الكريم
مدرب معتمد بجامعة عين شمس
تحياتى أصدقائي وأحبابي الأعزاء
الفيديو ده مش دعاية ولا ترويج لأي شيئ فيه زى ما هو مذكور
فى محتواه ، لأ إللى فيه تجربه شخصية حبيت أشكر من خلاله
مستر أسامه عمر أحد دكاترتنا الكرام حباهم الله بالعلم النافع والإخلاص والأمانه فى العمل واضافو إلينا من المعلومات
والمهارات والمعارف والخبرات الكثير
فى الفيديو ده كان بيعلمنا مستر أسامه إزاي نُنشأ فيديو ترويجي ( برومو ) للدورات التدريبية كل شخص يختار موضوع يتكلم عنه
معظمنا طبعا كان أول مرة يعرف معلومات عن كيفية عمل الفيديو
أو خطواته وهى عبارة عن سيناريو / موسيقى مصاحبه/ صور ورسومات / تنويع نغمة الصوت / قدرتك إنك تجذب المشاهد
والحقيقة كل الدفعة عملت برومات جميلة جدا
وده نجاح فى حد ذاته لى مستر أسامه ولكن النجاح الحقيقى من وجه نظري إنه قدر يخلينا نكسر عدو الخوف والخجل إللى كان
جوانا ورهبة الكاميرا اياًكانت والحديث أمام أخرين بشكل أو بأخر
وإن كنت أخص بالذكر وأتحدث عن نفسي بشكل شخصي لأن
بطبيعتى كذلك وده كان سبب رئيسي خلانى أحب أخوض التجربة واشتغل على نفسي واكسب مهارة كسر الخجل والخوف الداخلى وأواجه نقاط ضعفى من الظهور المباشر أمام أي كاميرا مهما كانت بسيطة ومازلت الحقيقة بشتغل على نفسي فى الجزئية دى
والحقيقة يعنى أنا مش مبسوطه أوي بأدائي فيه لأنه مش أحسن حاجه وخصوصا لأنه كان فى وقت صعب جدا بالنسبالى بعد وفاة والدى بحوالى شهر أو أقل وأثناء تواجدى فى المستشفى فى فرنسا أثناء عمليه البشمهندس وكل العوامل معاكسه تماما وغير مساعدة لعمله بكفائة إبتدائا من الحاله النفسية والحزن والتوتر
مرورا لعدم الإستقرار والقلق وعدم النوم وقلة التركيز فكان اسبوع ماخرجتش فيه من باب المستشفى ولكم أن تتخيلو الوضع حين ذاك ووصولا لأصوات الممرضات والعاملات إللى رايحه وجايه من حولى واصواتهم المتداخله لأنى دورت على مكان مالقتش غير كورسي
جنب الاسانسير وكان لازم كل شوية اعيد الفيديو من تانى علشان أصواتهم ظهره فيه فكنت مشتته منهم بشكل رهيب وعلشان أحاول اظبط الأداء بقدر استطعتى
ولكن مع كل اللغبطه والتشتت ده إلا انى شعرت بإنى قدرت انجز واتغلب على كل المعرقلات أمامى وده إللى خلانى اختار موضوع كيف تكونى قائدة وأعمل البرومو عليه
وماكنش ابدا سيحدث دون هذا الدعم النفسي الرهيب والمساعدة
والمساندة بكل أشكالها من دكتور أسامه للمجموعة كلها وتفخيم وتعظيم أي عمل منا ولو كان بسيط جدا كان بيدفعنا به بطاقات ايجابية كبيرة و رائعة ..
فحقا مهما شكرت حضرتك لن أوفيك قدرك مستر أسامه لك منى
كل التحية والتقدير ..
