محمد الجندي 
وجهت سيدة الأعمال مروه العربي بنت محافظة الإسماعيلية نصيحه لكل سيدات المحافظة وخارج المحافظة نصيحه وهي العمل والاجتهاد لتحقيق أحلامهم.
وأشارت العربي في حديث خاص” الغد ” أن مصر اليوم تحتاج للعمل لكي ينهض اقتصاد بلدنا الغاليه فبالتالي لابد من العمل المتواصل وخاصه من السيدات .
ووجهت العربي حديثها للبنات وخاصه العقد الاول من العمر حيث حثتهم علي إتقان أي حرفه يدويه وذلك بالاعتماد علي ذاتها .
وبسؤال سيده الأعمال” مروه العربي “عن رأيها في تعدد الزوجات ردها كان كالاتي :
أنا موافقة أن زوجي يتزوج عليا طالما دا هيكون سبب سعادته.
ووجهت حديثها لحديثات الزواج خاصه بعد ارتفاع نسب الطلاق في المجتمع المصري حيث قالت :
مفيش مشكله لما تعتبري بيت زوجك ذي بيت ابوكي منتي ياما كنتي بتختلفي مع باباكي ومامتك الدنيا مش مستاهله عيشي يومك 😍
افتحوا البيوت والشبابيك وأنزلوا اطبخوا مع بعض عادى أتجوزى مع حماتك واصحى الصبح دلعيها وفطريها واسمعى منها عادى جدا” وصاحبى إخوات جوزك وقدمى لأولادك عزوة وعيلة وعصب.
متصدقوش الكلام بتاع المشاكل والفيلم الهندى ده طول عمرهم زمان كانوا عايشين ف بيت عيلة والبيوت كانت مفتوحة وكلها خير وحب وبركة وعمر ماحصل مشاكل .. المشاكل جت لما ضيقنا علينا عيشتنا وبقينا عايزين نزور لوحدنا ونعيش لوحدنا..
عجباكم في إيه الوحدة عايزه أفهم ؟!
متفتحوا البيوت وتنوروا الاسطح وتفرشوه وترجع تانى ريحة الخبيز تملى البيوت والستات تشيل بعضها والرجالة تحكى أخر الليل..
مـتملوا بيوتكم حب الجدران بتحس والله..
بتحس بالمشاعر وتخزنها..
بتسمع الضحكات وتقلد رنتها..
بتتونس بالهمهمة..
بتدفى بريحة العجين والأفران..
بتفرح بخبط كفوف العيال..
الجدران ذاكرتها مبتتمحيش…….
خلوا الجدران تشهد ع الحب واللمة مش الفراق والبعد…
املوا البيوت فرحة..علشان لما تضيق علينا الدنيا نحط راسنا عاي الحيطة وناخد منها طاقة فرحة..
رجعوا لبيوتكم الحب💛🌸
طبعا دا كله هيبقي حسب اختيارك للعيله اللي هتناسبيها .. حسب اختيارك للرااااجل اللي هتعيشي معاه
انا بنصحكم وانا اول واحده مقصره مع حماتي اللي هي امي التانيه واخوات جوزي اللي مش هلاقي ف حنيتهم بس دا بسبب ظروف شغلي😢
اختاروا صح عشان حياتكم تبقي صح
ودي الكلمات التلقائية اللي وجهتها سيده الاعمال مروه العربي لكل بنت مصريه علشان فعلا نقدر نقضي علي ظاهره الطلاق اللي أصبحت جديده في مجتمعنا.
وفي نهايه لقائنا وجهت العربي كلمات شكر وتقدير لكل من ساندها في مسيرتها الحياتيه وكان سبب أنها تبقي إحدي سيدات المجتم
