أمل فوزي تكتب : تدمير الشباب ( لا للمخدرات )

انا بقالي كتير مكتبتش حاجه بس انا بكتب بحزن علي الشباب اللي بينتهي بسبب ناس معندهاش ضمير لصالح مين تدمير الشباب بالصورة دي بسبب المخدرات اللي بقت زي البونبوني بتتوزع علي كل الشباب كنا بنسمع عن الهيروين والبدره في الافلام والمسلسلات بس

دلوقتي بقت واقع بيعيش في وسط الشارع

احمد حسن جاد شاب كان من اقوي واجمل شباب كفر عليم

إضرب بالمخدرات وفي فتره بسيطه بقي مدمن مخدرات بكل انواعها وتبدلت حياته رأساً على عقب بسبب ناس معندهاش ضمير كل أجهزة جسمه إتدمرت في فتره قصيره

أما شوفته وهو بيموت الله يرحمه بيقول اه وقوله قول الله يقول الله والحمد لله لما شوفت الشاب اللي كان بيهز الأرض وهو ماشي مش قادر حتي يتحكم في رفع ايده واحنا بنعمل الاشعه قد ايه قلبي كان بيتوجع عليه وعلي الشباب اللي زيه

بيموت بسبب ناس ضميرها مات

بقوله يا احمد لو جه صحفي يعمل معاك حوار عن الادمان تقول ايه للشباب قال اقول كل حاجه مريت بيها

اقول عن قلبي اللي انسدت شراينه ولا فشل كامل في الرئه ولا الكبد ولا ولا ولا الخسارة الكبيره اللي خسرتها عمري وشبابي للاسف الشديد كل يوم حاله وراء حالة والمؤشر خطر جدا

مين وراء ذلك مين له مصلحة في تدمير الشباب انا بخاطب الرئيس عبد الفتاح السيسي انقذ شبابنا اللي ضاع ياريت زي ما قضيت علي فيرس سي تقضي على فيرس المخدرات اللي بيدمر مصر ادمان يعني قتل واغتصاب وخراب الدولة واقتصاد الدولة انا بقترح عمل حملات زي حملات التطعيم و شلل الاطفال او غيرها تمر علي المنازل في جميع أنحاء الدولة الله يرحمه ويغفر له ويسكنه فسيح جناته ويلهم أهله وذويه الصبر والسلوان و إنا لله وإنا إليه راجعو