حدوته
مع الخال عبد الرحمن الابنودي
جمال اليمني
قبل وفاه الخال عبد الرحمن الابنودي عليه رحمه الله بفتره ليست كبيره وكنت لأول مره التقي. معه وجها لوجه وكنت بصحبه المرحوم عمنا الاستاذ ابراهيم حفني رائد من رواد الصحافه الاقليميه وعدد كبير من من يعملون معه بجريده صوت قناوالمعروف عني انني خجول جدا ولكن هذه المره لم أعرف كيف خرجت من شرنقتي وتوجهت الي الخال الابنودي قائلا له كان والدي ووالدتي رحمهما الله لما كانوا يسمعوك ياخال ينادوني اسيب الاكل واسمعلك رد الخال وقللي حلو ياواد قلت ممكن ياخال تسمعني قال كده مش حلو ياواد قلت اسمعني لوجه الله قال محدش ياد يقول في زمن فيه عبد الرحمن قلت معلش، ياخال انا مش شاعر بس بأكتب لنفسي قال حقاش يموت عبد الرحمن قلت ياخال بعد عمر طويل معلش اسمعني قال حتحفر قبرك بدفرك قلت بدفري برجلي بس اسمعني قللي قول ياد شوف عاد لما اول مره تقول ويكون الكلام قدام الخال الابنودي رحت اخدت نفس طويل واول مره اقول وكان قدام مين الخال الابنودي وقلت ياخال طالما قلت قول ياد حقول كلمات بعنوان ياد رحت قمت قايل ٠٠٠٠ياد
من حقك عاد
تبرم شنباتك
بين الرجاله
منتاش برياله
منتاش قواد
ياد
مافي ولاده
زي امك عاد
ولدت خياله
كانولها الزاد
والضاد
الشر انهد
جواهم مد
للسنبك واد
ياد
هكسس بكسس
خيك احمس
شرع سيفه
خلي الديبه
ولدت خنفس
خلي الواقف
صار رقاد
ياد
تسلم مصر
صحرا وواد
وتسلم انت
ا شهر فهد
وامهر واد
ياد
خد نفس و اتعدل الخال وقال ياد فيه تاني قلت فيه ياخال ٠٠٠٠ ميهمنيش
غير اني اعيش
حر ومفيش
ميهمنيش
شمس الأصيل
تقدر تعيش
انشالله ملح
انشالله ريش
لكن تموت
تحت التابوت
لوفجر
قال متزفونيش
ميهمنيش
غير اني اشوف
فوق الكفوف
عدل وميزان
الشمس فيه مبتنطفيش
ميهمنيش
قال ياد فيه تاني قلت٠٠فيه ياخال رحت قايل٠٠
الحب صبينا
عمدانه بأيدينا
وأركانه غزينا
لبلابه وحنينه
حبينا ورضينا
الفرحه نبدرها
حبايه في قنايا
ضلتها تكفينا
لاعبله
لاعنتر
القلب
فيه اكتر
لوقالها
تتمختر
الدنيا في ايدينا
قال قوم ياد اكتبهم وهاتهملي ياواد يايمني فكتبتهم بالقلم الرصاص بسرعه قلي ياد علي الكمبيوتر وقال ياإبراهيم ياحفني انت والصحفين ال معاك اكتب على لسان الابنودي ان اليمني موهوب واحلى واحد استخدم لفظ ياد في العاميه المصريه وبعد شهر بالصدفه شافني الخال من بعيد وعلى بعد اكتر من عشر امتار وراح منادي يابو اليمني العرق نزل مني لسه فاكرني ياخال قللي والله ال كتبتهملي لسه بيزنوا جوه دماغي وكانت بدايه صداقتي مع الخال رحمه الله عليه و بعديها حصلت على رقم التليفون واجريت اكتر من اتصال واسمعته كلمات عن الحج
جيناله جيناله٠٠٠٠
واحلى ماف دنيانا
رحلتنا لمولانا
الي عرفات الله
وقلوبنا سابقانا
الي ان وصلت إلى مقطع
تتساوى هنا
رؤؤس
لاريس
ولامرؤؤس
وال اتقبل
حجه
يارسماله
طلب مني رحمه الله أن ارسلها له ولكنني قصرت ولم ارسلها وفي احد المرات طلب مني غله الجلبان وهومن النباتات التي يأكلها الإنسان وياكلها أيضا الحيوان وقلي ياجمال الجلبان لما يكون جنبه طبق المش والجبنه والطماطم يبقى حاجه تانيه وبدري ياجمال ماكلتهوش وياريت تلاقيلي منه شويه غله ازرعهم في بيت الاسماعيليه وقعدت ادور على الغله لحد ملقيتها في نقاده مركز نقاده وكان المرحوم في زياره لقنا واتصلت عليه وتقابلنا في فندق بالاقصر وأعطيت له الغله من غله الجلبان فشكرني. وطلب لي بعد إلحاح الكبتشينو٠فرحمه الله عليه واسكنه الله فسيح جناته