إبراهيم مجدي 
الناس كلها بتسأل يا تري مصر رايحه علي فين ؟ والبلد بتعدي بمرحله مش سهله من غلا الاسعار لحروب حوالينا والناس مخنوقه ومش شايفه النور في اخر النفق بس تعالي نسمع وجهه نظر مختلفه يمكن تفتح باب امل عيون مصريه شايفه الصوره من زاويه تانيه عيون شايفه بعيونها مصر جديده عيون مصريه بتقول لازم نشتغل علي كذا مسار في نفس الوقت مش كفايه نبني عمارات وكباري لازم نبني الإنسان المصري التعليم لازم يتغير ويبقي هدفه خلق عقل بيفكر مش بس بيحفظ كتب والشباب المصري لو نديله فرصه هيبهرك محتاجين نفتح الابواب قدامهم سواء في الصناعه أو الزراعه أو التكنولوجيا احنا مش اقل من اي دوله في العالم بس محتاجين ثقه وقرار عيون مصريه بتقول لازم نفتح مجال اكتر للأحزاب السياسيه الحقيقيه مش مجرد أحزاب كرتونيه لازم يكون في معارضه بتقول رأيها بوضوح وتساعد في تصحيح المسار مش تعارض علشان تختلف وبس وعن الاقتصاد عيون مصريه رأيه واضح احنا لازم نقدر نوقف علي رجلينا لو ركزنا علي الإنتاج المحلي وشجعنا الصناعات الصغيره و المتوسطه وقللنا الاعتماد علي الاستيراد وعن الديمقراطيه الحقيقه هي حكم الاغلبيه مقرونا بحمايه حقوق الاقليه والفرد يعني الديمقراطيه مش مجرد رقم في صندوق لكنها قيمه لازم تنغرس في ثقافه المجتمع ولازم الفرد المصري ميكونش مجرد كومبارس يعني لازم نغير من انفسنا ومنكونش مجرد شخصيات تكميليه بل يجب أن نكون شخصيات اساسيه فعاله لنا دور في بناء المجتمع عيون مصريه بيكلمك كواحد من الناس عنده امل مش وهم وشايف أن الطريق طويل بس مش مستحيل واخيرا عيون مصريه بتقولها بصراحه مستقبل مصر مش في ايد الحكومه لوحدها ولا الرئيس بس المستقبل في ايد كل مواطن ومتفقدوش الامل مصر اللي جايه مش مجرد حلم واقع بيتخلق كل يوم وانت طرف فيه
