إبراهيم مجدي 
بصراحة كده ومن غير لف و دوران و على بلاطة ، احنا جبنا جاز و لدينا فائض ، و مستعدين لتصديره لكل دول العالم و الشحن مجاناً .
و لكن تعالوا نتكلم معاً بأكثر صراحة و نرجع بالذاكرة مرشيدير للخلف .
طول عمرنا و من سنوات كتيرة و طويلة ، بنجيب جاز ، و ان جاز لنا التعبير ، فمنذ ان نشئت هذه الدولة و شعبها بيجيب جاز ، حتى ايام الاحتلال جبنا GAS
فيه ايه يا بشر … مالكوا
فيه ايه يا ناس … مالكم
ما تتحملوا شوية … ما تجمدوا
ما طول عمرنا جعانين ، احنا آمتى شبعنا ، احنا آمتى لبسنا ، احنا آمتى اتعلمنا ، احنا آمتى اتعالجنا ؟!!!
و مع ذلك عايشين و بنتحوز و نخلف و نضحك و مش بس كده ، احنا كمان بننكت و نقول نكت على حالنا و فقرنا .
و الدنيا ماشية و بتعدى ، و اكتر من كده و عدى و هاتعدى .
دى مصر المحروسة يا شعب ، و يا دقت ع الرأس طبول و شواكيش و عدت .
و ياما اتخوذانا و خدنا خوازيق و عدت .
و الله أبداً لن نسقط و لن تسقط مصر المحروسة و هى التى تعهد الله بحمايتها
انها ارض الكنانة يا سادة .
و لكنى ارى ما نمر به من أزمات اقتصادية منحة و ليست محنة ، ربما نعرف منها الصديق من العدو ، نعرف منها من وقف بجانبنا و ساندنا و من تخلى عنا و أدانا مؤخرته .
ربما ما نمر به و نعيشه من أزمات يكون الدافع لبناء مصر الجديدة التى تعتمد على مواردها ، التى تعتمد على نفسها و على سواعد ابنائها المخلصين .
كفاية بقى دوشة و صداع الله يخرب بيوتكم .. صدعتونا .
كفاية بقى معارضة مدفوعة التمن ، و اچندات سابقة الدفع ، كفاية بقى بانجو و استروكس .
نعم جبنا جاااااااز
لكن الحقيقة المرة ان الجاز ده ، ليس له علاقة بنظام حالى او سابق و لكنه موروث ثقافى و حضارى ” ثقافة شعب ” .
و احمدوا ربنا و خد بالك منك ليها له ، فى بلاد كتيرة مش لاقية و مش عارفة تجيب جاز زينا .
و حسبنا الله و نعم الوكيل
