اسماء عبدالمنعم كتبت: أسماء عبد المنعم
أعلن المخرج محمد سامي عبر صفحته الرسمية على موقع التواصل الإجتماعي فيس بوك اعتزاله الأعمال التليفزيونية قائلاً:” وداعا الدراما التلفزيونية
السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور ، يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥.
وتابع:”معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة و بشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا.
وختم:” كما صرح بسفرة للخارج خلال الفترة القادمة قائلاً” أدعولي الفترة الجاية عندي س
فر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.
كما عبرت يسرى وجية زوجة الفنان إيهاب فهمي حزنها على خبر اعتزال “سامي”من خلال صفحتها الشخصية على موقع التواصل الاجتماعي فيس بوك قائلة:” خبر اعتزالك خبر حزين ولما قولتلنا مكنتش متخيله بالسرعه ديه شئ حزين اوى الى اشتغل معاك هيعرف اد ايه انت طيب واد ايه انت شاطر واد ايه انت بتحب شغلك وبتهتم بادق التفاصيل وفى وقت البريك بتجمعنا حواليك ونضحك ونهزر محمد سامى انت اخ وصديق انا زعلانه بجد كان نفسى انزل الصوره ديه واكتب فيها كلام تانى بس انت غيرت كل حاجه والله حزن مش طبيعى ربنا يختارلك الاصلح ليك.
