محمد فتحي 
متابعة / محمد فتحي
كتب الدكتور جمال شعبان عميد معهد القلب السابق على صفحتة الشخصية عبر مواقع التواصل الاجتماعي توضيحا هاما لأسباب نغزة الصدر وعلاجها والتي تختلف من حاله لأخرى، حيث وضح ما يلي
عن النغزة
سألوني
عندي نغزة بتيجي في صدري
أنا كدا مريض قلب
النغزة اللي بتجي في الصدر
وما بتزيدش مع الحركة
او المجهود
وبتنقل من نقطة التانية
ويمكن الاشارة ليها
بصوباع واحد
finger sign
بتكون غالبا مش من القلب
ولو كانت بتزيد مع التنفس
ممكن تبقي من التهاب الغشاء البلوري
لو كانت بتزيد مع المجهود
لازم نعمل رسم قلب بالمجهود
لقطع الشك باليقين وعلشان نطمئن تماما
وعلاجها اي مضاد للالتهاب
زي بانادول او كاتفلام
إنما الوجع المهم اللي يستاهل الاهتمام
الوجع إللي بيتم الاشارة له باليد hand sign
زي الحرقان بتاع الحموضة وارتجاع المريء
او ضغطة ع الصدر او الاحساس بحجر جاثم علي صدري
او سكاكين بتقطع في صدري وبتسمع في الضهر من ورا
او الكتف الشمال او الفك السفلي
وشدة الألم بتزيد مع المجهود وبتقل مع الراحة
دا الوجع نتيجة قصور في الشرايين التاجية اللي بتغذي القلب
ويمكن نحتاج قسطرة ودعامات
