إبراهيم مجدي 
يا عمنا المواطن اكيد سمعت عن حاجه اسمها نزع ملكيه للمنفعه العامه صح؟ يعني الدوله تاخد ارضك بيتك علشان تعمل مشروع لصالح عامه الناس زى طريق أو مدرسه أو مستشفي وغيره من الي نص عليه القانون بس هل ده ينفع في اي وقت ؟وهل ليك حقوق ؟تعالي نحكي سوا : – امتي نزع الملكيه يكون قانوني : القانون قالها بصراحه في قانون نزع الملكيه رقم ١٠لسنه ١٩٩٠وعدلوا عليه بالقانون رقم ١لسنه٢٠١٥لازم علشان الدوله تنزع الملكيه تمر بكذا خطوه أهمهم ١- قرار جمهورى من رئيس الجمهوريه أو اللي يفوضه ٢- يكون المشروع لمنعه عامه فعلا مش لمصلحه شركه او مستثمر ٣- تقدير التعويض العادل بناء علي الاسعار وقت القرار مش من خمس سنين ٤- صرف التعويض قبل ما يخدوا الارض طبقا للماده ٦من القانون رقم ١٠لسنه١٩٩٠ طب أمته نزع الملكيه يكون باطل أو منعدم ؟اسمع دي كويس بقي :١-لو القرار معمول عشان مصلحه حد معين مش للناس كلها يعني مفيش صفه النفع العام مثلا قرار صادر لانشاء مصنع حاحه ساقعه في محافظه معينه ده قرار منعدم لانتفاء صفه النفع العام ٢- لو مفيش تعويض أو اتاخروا في دفعه ٣- لو استخدموا الارض في حاجه غير اللي اتقالت في القرار ٤- أو ببساطه لو مفيش قرار جمهورى اصلا يبقي الموضوع كله باطل من أوله أو منعدم طيب والدستور بيقول ايه ؟الدستور المصري واضح جدا فالماده ٣٥بتقول الملكيه الخاصه مصونه ولا تنزع الا للمنفعه العامه ومقابل تعويض عادل يدفع مقدما والماده ٤٠بتقول لا يجوز فرض الحراسه الا بحكم قضائي وكمان الماده ٦٣بتقول لا يجوز التهجير القسري لاي مواطن ومخالفه ذلك جريمه لا تسقط بالتقادم ٠٠٠٠٠يعني لو خدوها غصب او بدون حكم او بدون تعويض فده ضد الدستور وممكن ترفع دعوي بوقف تنفيذ أو التعويض أو حتي بطلان الخلاصه اللي تطمنك ٠٠٠٠مش كل قرار نزع ملكيه يبقي قانوني ولو تحس أنه فيه ظلم متسكتش معاك قانون ومعاك دستور ومعاك حقك اللي محدش يقدر ياخد حقك بطريق غير قانوني
